唔好以為有國際車牌就唔使急申請澳洲車牌，如果無本地車牌，其實好麻煩。
唔好以為唔介意帶住本護照出街就得，車牌唔止可以核實身份，仲可以做住址證明，因為車牌上面印咗住址。
換句說話，要有地址證明先可以去攞車牌。咁點樣有地址證明？可以用銀行信或者水電煤帳單。但係水電煤單可能要等好幾個月，咁點開銀行戶口？基本上帶護照就得，地址填完係用嚟收信，穩陣的可以帶埋租約去。
就算唔揸車，幾時要 show 車牌？最基本是去郵局收件，好多網購都用 Australian Post 送貨，如果屋企無人會送左去郵局，然後留張紙叫你去郵局自取。
除此以外，去睇醫生登記，去藥房買處方藥，去銀行申請不同的戶口或產品，甚至唔用澳洲版「安心出行」而只帶住紙版或 pdf 版疫苗證書進入餐廳，都需要出示「身份證」。當然，護照唔係唔得，重點係檢查的人會唔熟悉，比張車牌佢就少好多麻煩。
如果唔係太忙，我建議都係盡快去轉張本地車牌。
來 Victoria 的朋友，可以參考 https://www.vicroads.vic.gov.au/licences/new-to-victoria/interstate-overseas-licence-holders。
Comments